మే30,మనవార్త:
ట్రాక్టర్ రోటవేటర్లో పడి ఐదేండ్ల బాలుడు చనిపోయాడు.స్థానికులు, పోలీసులు తెలిపిన వివరాల ప్రకారం సిద్దిపేట జిల్లా మిరుదొడ్డి మండలం అల్వాల గ్రామానికి చెందిన బీడ లావణ్య, కనకయ్య దంపతులకు ముగ్గురు కొడుకులు ఉన్నారు. కనకయ్య గ్రామంలోనే వ్యవసాయం చేసుకుంటున్నాడు. అలాగే తన ట్రాక్టర్తో తన భూమిని దున్నుకుంటూ, గ్రామంలో కిరాయికి వెళ్తూ ఉపాధి పొందుతున్నాడు. ఈ క్రమంలో గురువారం భార్య లావణ్య, చిన్న కొడుకు నికాస్తో కలిసి పొలానికి వెళ్లాడు.నికాస్ను ట్రాక్టర్పై కూర్చోబెట్టుకొని పొలాన్ని దున్నుతుండగా, బాలుడు ప్రమాదవశాత్తు రోటోవేటర్లో పడ్డాడు. గమనించిన కనకయ్య ట్రాక్టర్ ఆపి కొడుకును బయటకు తీయగా, కాలు విరిగి, ముఖం నుజ్జునుజ్జు కావడంతో అక్కడికక్కడే చనిపోయాడు. అల్లారుముద్దుగా పెంచుకున్న కొడుకు కళ్ల ముందే చనిపోవడంతో కుటుంబసభ్యులు కన్నీరుమున్నీరయ్యారు.
