.మేడ్చల్ మల్కాజ్గిరి జిల్లా డిసెంబర్ 2 మన వార్త : ఆంధ్రప్రదేశ్ లోని విజయవాడ నుంచి బొల్లారం తుర్కపల్లి ప్రాంతానికి గృహప్రవేశం కార్యక్రమం నిమిత్తం వచ్చిన షేక్ సనా తిరుగు ప్రయాణం కోసం సఫిల్ గూడ రైల్వే స్టేషన్కు వెళ్లారు. అయితే ట్రైన్ మిస్ కావడంతో రాత్రివేళ తిరిగి బొల్లారం తుర్కపల్లికి ఆటోలో చేరుకున్నారు. ప్రయాణంలో తీసుకొచ్చిన లగేజ్ మొత్తం ఇంటిలోకి తీసుకొచ్చినప్పటికీ, విలువైన బంగారు ఆభరణాలు ఉన్న ఒక ముఖ్యమైన బ్యాగ్ మాత్రం ఆటోలోనే మర్చిపోయారు.మరుసటి రోజు గ్రహించిన ప్రమాదంఉదయం లగేజ్ చెక్ చేసిన సమయంలో ఒక బ్యాగ్ మిస్సైందని గుర్తించిన కుటుంబ సభ్యులు, అందులో 18 తులాల విలువైన బంగారు నగలు ఉన్నాయని తెలుసుకొని తక్షణమే అల్వాల్ పోలీసులను ఆశ్రయించారు. ఆదివారం మధ్యాహ్నం బాధితులు అల్వాల్ పోలీస్ స్టేషన్లో ఫిర్యాదు చేయగా, అక్కడి సబ్ ఇన్స్పెక్టర్ చంద్రశేఖర్ వెంటనే స్పందించారు.పోలీసుల చురుకైన చర్య ఎస్ హెచ్ ఓ అల్వాల్ డిఐ.తిమ్మప్ప ఆదేశాల మేరకు, ఎస్సై చంద్రశేఖర్ పర్యవేక్షణలో పోలీసులు వేగంగా చర్యలు ప్రారంభించి, కేవలం మూడు గంటల్లోనే ఆ ఆటోను ట్రేస్ చేసి స్టేషన్కు రప్పించారు. ఆటో డ్రైవర్ రాజేష్ తమ బాధ్యతను నిబద్ధతగా నిర్వర్తిస్తూ, బ్యాగ్ మరియు అందులోని బంగారు నగలను తమ వద్ద సురక్షితంగా ఉన్నాయని చెప్పి పోలీసులకు అందజేశారు.బాధితురాలికి నగల అప్పగింతపోలీసులు ఆ బ్యాగ్ను ధృవీకరించి, అందులో ఉన్న 18 తులాల బంగారు ఆభరణాలను యథావిధిగా బాధితురాలికి అప్పగించారు. తమ సొత్తు సురక్షితంగా తిరిగి లభించడంతో బాధిత కుటుంబం పోలీసులకు కృతజ్ఞతలు తెలిపారు.ఆటో డ్రైవర్ రాజేష్కు అభినందనలువిలువైన ఆస్తిని స్వచ్ఛందంగా తిరిగి ఇచ్చిన ఆటో డ్రైవర్ రాజేష్ నిజాయితీపై పోలీసు అధికారులు మరియు స్థానికులు అభినందనలు తెలిపారు.ప్రయాణికులకు పోలీసుల సూచనఈ సందర్భంగా ఎస్సై చంద్రశేఖర్ మాట్లాడుతూ.ప్రయాణ సమయంలో విలువైన వస్తువులను తప్పనిసరిగా జాగ్రత్తగా ఉంచుకోవాలి. అనుమానం వచ్చిన వెంటనే పోలీసులను సంప్రదించాలి అని సూచించారు.అల్వాల్ పోలీసుల వేగవంతమైన స్పందన, బాధ్యతతో వ్యవహరించిన ఆటో డ్రైవర్ బాధితురాలికి సురక్షితంగా నగలు చేరడం సమాజంలో విశ్వాసాన్ని మరింత పెంచే ఘటనగా నిలిచింది.
